10 март көнне Теләчедә яшәүче кадерле кешебез Низаметдинов Ралиф Хәниф улының 65 яшьлек юбилее

Кадерлебез!
Син – бай тормыш һәм хезмәт юлы узган мөхтәрәм шәхес. Авыл хуҗалыгы өлкәсендә хезмәт куеп, гомереңне үтә дә тынгысыз һәм җаваплы  эшчәнлеккә багышлыйсың. Хезмәтеңне төгәл итеп, яратып башкаруың, зирәк акыллы, күркәм холыклы, тырыш, кешелекле һәм гади булуың белән   районда   гына түгел, республикабызда да зур ихтирам казанасың. Үзең сызган юлдан әле дә ышанычлы адымнар белән барасың.
Якыннарга кылган изгелегең хисапсыз. Газиз әниебезне хөрмәтләп тәрбия кылдың, гаиләдә  ышанычлы хуҗа, тугры ир, кайгыртучан әти буларак һәммәбезгә үрнәк булып торасың. Кыз туганнарыбызга әле дә төпле киңәшеңне бирәсең. Синдәй киң күңелле, ярдәмчел, олы җанлы, якты йөз белән каршы алучы туганыбыз барында без әле бик озак еллар буыннар чылбырын өзмичә, зур гаилә булып яшәрбез, ин шә Аллаһ. Безгә күрсәткән барлык игелекләрең өчен зур рәхмәт. Тигезлектә,  саулыкта, муллыкта, якыннарыңның күңел җылысын тоеп, бала-оныкларга куанып, имин тормышта озын гомер кичерүеңне телибез. Гел шундый миһербанлы, юмарт, кунакчыл һәм эчкерсез булып кал, һәр туачак көн гаиләгезгә бары шатлыклар гына алып килсен. Без сине бик яратабыз һәм хөрмәт итәбез! 
Еллар сукмагыннан горур атлап,
Сикәлтәле юлдан абынмый,
65 ең сизелми дә килеп җиткән,
Ару-талулар да тоелмый.
Синең гомер күпләр өчен үрнәк,
Кеше бөек күркәм эш белән.
Яшә, абый, нык сәламәт булып,
Яшәү дәрте, сүнмәс көч белән!

Иң изге теләкләр белән  хатының Вәсилә, балаларың, кияү, киленең, оныкларың һәм якын туганнарың.