ТАССРның 100 еллыгы уңаеннан республикабызның күренекле кешеләрен хөрмәтләү йөзеннән 100.tatarstan.ru сайтында «Үзеңнең якташың өчен тавыш бир!» дип аталган тавыш бирү игълан ителә. Исемлектә тәкъдим ителгән 45 кандидатның берсенә тавыш бирү сорала. Райондашларыбызны, Татарстанның халык язучысы, Габдулла Тукай исемендәге Дәүләт бүләге иясе, «Йөзек кашы», «Җәй башы», «Авыл өстендә йолдызлар», «Җәяүле кеше сукмагы», «Утызынчы ел», «Мәйдан», «Гыйльмениса һәм аның күршеләре» исемле роман, повестьлары, күпсанлы хикәяләре белән татар әдәбиятының классигы булып танылган әдип Фатыйх Хөсни өчен тавыш бирүегезне сорыйбыз.
