13 сентябрь көнне Теләче мәдәният йортында халык җыены булып узды

13 сентябрь көнне Теләче мәдәният йортында халык җыены булып узды.

Анда Теләче авыл җирлеге тарафыннан агымдагы елның беренче яртысында башкарылган эшләргә нәтиҗәләр ясалды, алдагы көннәргә бурычлар куелды. Бу хакта җыенга килүчеләрне Теләче авыл җирлеге башлыгы Илнур Хәмидуллин таныштырды.

Теләче районының социаль икътисадый үсеше, 2020 елга кадәр булган стратегик бурычлар турында муниципаль район башлыгы Илдус Зарипов сөйләде. Җыенда РФ Дәүләт Думасына депутатлыкка кандидатлар Иршат Минкин белән Ирек Зиннуров та катнашты. Алар җыенга килүчеләрне "Бердәм Россия" Бөтенроссия сәяси партиясенең сайлау алды платформасы белән таныштырдылар, сорауларга җавап бирделәр.