Теләче Информ

Көрәшчеләребез хөрмәтләнде

7 март көнне көрәшчеләребезне хөрмәтләү кичәсе узды.

Исегезгә төшерәбез, 12-13 февраль көннәрендә Минзәлә шәһәрендә герой-шагыйрь Муса Җәлил истәлегенә “Ватаным Татарстан” газетасы гамәлгә куйган көрәш бәйгесендә командалар беренчелегендә районыбыз җыелма командасы Әлмәт, Чаллы командаларыннан азга гына калышып, өченче урынны яулаган иде. 

Шушы уңайдан бүген, ягъни 7 март көнне “Маяк” кафесында муниципаль район башлыгы Нәҗип Хаҗипов һәм районыбызның Көрәш Федерациясе Президенты Хәмит Хәкимов һәм иганәче авыл хуҗалыгы предприятиеләре җитәкчеләре Атаулла Касыймов, Алмаз Хәйруллин һәм Айнур Әхмәтов катнашында көрәшчеләребезне, тренерларны һәм команда вәкилләрен хөрмәтләү кичәсе узды. 

Реклама

Җылы-моңлы һәм мул сыйлы чараны районыбызның танылган алып баручылары Илшат Сәләхиев белән Артур Сабировлар алып барды. Кичә турында тулырак “Теләче” газетасының киләсе саныннан укып белә аласыз.

Фәнил Гаязов.

Автор фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: