Теләче Информ
Главные новости

Максатларга ирешергә язсын!

автор, 2 июль 2015 - 13:02
774
0
0

Яшьлек кеше гомеренең иң гүзәл, бүгенге һәм киләчәк көнгә зур өметләр баглау чоры. Яшьлек ул мәңге үтмәс кебек тоелган иң бәхетле мизгелләр чоры. Гадәттә, без яшь буынны - илебезнең өмете, киләчәге дияргә яратабыз.

Сүз дә юк, бүгенге яшьләр зур үзгәрешләр чорында яши. Тик яшь буын дөрес юлны сайлап алырга гына тиеш. Ә сикәлтәле тормыш юлында очраячак кыенлыклар, адым саен килеп чыккан каршылыклар алдында югалып калмаска, бирешмәскә генә кирәк. Ә олы тормыш юлына атлаучыларга, аларның булган проблемаларын хәл итүгә, уй-фикерләрен гамәлгә ашыруга хөкүмәтебез тарафыннан барлык шартлар да тудырыла микән дигән сорау туа?
Районда яшьләр өчен шактый эшләр башкарыла. Аларның ялын файдалы һәм нәтиҗәле итеп оештыру өчен күп төрле чаралар күрелә. Үз тырышлыгын, акылын кызганмаган яшьләргә бүген спорт һәм сәламәт яшәү рәвешен алып барырга, иҗади талантларын үстерүгә, яшь гаиләләрне торак белән тәэмин итүгә, гаилә фермалары, үз эшеңне булдырырга ярдәм итүгә юнәлдерелгән дәүләти программалар эшләп килә.
Менә ничә еллар инде районда Яшьләр көне Теләче үзәгендә урнашкан ял паркында зур бәйрәм чарасы буларак билгеләп узыла. Быел да 27 июнь көнне районның барлык авылларыннан килгән спорт, сәнгать сөюче, төбәгебезнең киләчәген билгеләячәк яшьләребез вакытларын файдалы һәм нәтиҗәле итеп үткәрү максаты белән ял паркына җыйналды.
Бәйрәмгә килүчеләрне парк сәхнәсендә районыбыз үзешчәннәре концерты каршы алды, җәмгыятькә файдалы хезмәт итүче яшьләребезгә мунициапль район башкарма комитеты җитәкчесенең Рәхмәт хатлары тапшырылды. Күпчелек үзен спортның волейбол, мини-футбол, кул, сумо көрәше, аркан тарту кебек төрләрендә сыный алды, җиңүчеләргә Мактау грамоталары, акчалата премияләр тапшырылды. Алай гына түгел, малайлар-кызлар шәхси эшмәкәр Морат Зөфәров тарафыннан әзерләнгән әтәчне куып рәхәт чикте. Әлбәттә, азактан яшьләребезне күңелле дискотека көтә иде. Аларны җырчы ди-джейлар Илшат Сәләхиев белән Артур Сабиров "кыздырды".
Районда Яшьләр көне, яшь кешегә уку һәм хезмәттән буш вакытларын файдалы һәм максатчан үткәрү өчен үткәрелә. Шәхес булып формалашкан, нык ихтыярлы, алдынгы карашлы - яшь кешегә шундый сыйфатлар хас булса, киләчәгебез ышанычлы кулларда булыр. Алга куйган максатыгызга ирешергә язсын, сезгә!
Фәнил Гаязов.
P.S. Яшьләр дигәннән, 30 июньнән 4 июльгә кадәр Мамадыш шәһәрендә «Авыл яшьләре» дип исемләнгән унынчы җәйге спорт уеннары уза. Анда авыл җирлегендә яшәүче республика яшьләре волейбол, мини-футбол, туризм, өстәл теннисы, дарт (спорт сөюче гаиләләр өчен) җиңел атлетика, эстафета, гимнастика, милли көрәш, билбау көрәше, кул көрәше, шашка, шахмат, бадминтон, аркан тарту, сөт саву аппаратын сүтү-җыю, трактор йөртү осталыгы кебек бәйгеләрдә катнашачак. Традицион уеннарда безнең район командасы да теләп катнаша. Аларга уңышлар телибез.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Авторизоваться
Осталось символов:
© 2011 - 2022. Телэче (Тюлячи). Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Телэче (Тюлячи)
№ свидетельства о регистрации СМИ, дата: Эл №ФС77-47609 от 07.12.2011 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Хузин Ленар Юсупович
ФИО руководителя: Хузин Ленар Юсупович
Адрес редакции: 422080, Республика Татарстан, Тюлячинский р-н, с. Тюлячи, ул. Луговая, д. 6а
Телефон редакции: (84360)2-⁠13-⁠27

Email: tulinf@rambler.ru
Электронная почта филиала для сообщений о фактах коррупции: tulinf@rambler.ru
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
16+