Районның иң өлкән кешесе янында

1 июль көннне Иске Карабаян  авылында яшәүче Дарья Арсентьевага 101 яшь тулды. Юбилярны гомер бәйрәме белән район башлыгы Нәҗип Хаҗипов, район социаль яклау бүлеге җитәкчесе Фәридә Галимова һәм Олы Нырсы авыл җирлеге башлыгы Рамил Гиниятов тәбрик итте. Сүз уңаеннан шунысын да әйтергә кирәк, юбилярны тәбрик итергә килүче барлык җитәкчеләр дә коронавируска каршы вакцинация ясаткан.

Дарья Максимовнаның бүген дә хәтере яхшы, өйдә үзен-үзе йөртә.  Якыннары, күршеләре белән аралашырга ярата. Шулай ук шигырь уку һәм җырлау  яраткан шөгыльләренең берсе.

101 яшьлек әбине тәбрикләү мизгелләре Эльмира Әхмәтҗанова фотоларында, видеоларында.