Теләче Информ

Теләче районы

18+
2024 - Гаилә елы
Главные новости

Йөргән таш шомара

Республика лидеры Рөстәм Миңнеханов кече һәм урта бизнесны үстерүне республиканың алга таба барышының иң төп этапларының берсе дип саный. Илдә икъдисадый тотрыксызлык чоры булуга карамастан, эшмәкәрлекне үстерүгә юнәлдерелгән бер генә программа да тукталмады. Рөстәм Миңнеханов һәр муниципалитетта кече һәм урта эшмәкәрлекне үстерүгә игътибарны арттыруны бурыч итеп куйды. 7 апрель Мәскәүдә...

Безнең Теләче төбәгенә әйләнеп кайтыйк. Җирлегебездә кече һәм урта эшмәкәрлекне үстерү өчен нинди эшләр башкарыла? Бу турыда тулырак җавап алу өчен без район башкарма комитеты җитәкчесенең икътисади үсеш буенча урынбасары Илдар Әмин улы Миңнегуловка мөрәжәгать иттек.
- Чыннан да, дәүләт - кече һәм урта эшмәкәрлекне үстерүгә бик зур игътибар бирә. «Лизинг грант» программасы эшмәкәрләргә матди ярдәм күрсәтүче иң популяр чараларның берсе. Соңгы өч елда безнең районнан 20 эшмәкәр бу программа нигезендә 24,28 миллион сумлык техника һәм башка кирәк-ярак сатып алган. Бүгенге көндә район буенча кече һәм урта эшмәкәрлек белән шөгыльләнүче 365 субъект теркәлгән. Шуларның 237 се шәхси эшмәкәр, 128 е юридик зат. Авыл хуҗалыгы сферасында 67 фермер эшли, сәүдә, автотранспорт чараларын ремонтлау белән 117 эшмәкәр шөгыльләнә.
Үзеңнең эшеңне башлап җибәрү өчен нәрсәдән тотынырга кирәк? Бу хакта Теләче районында кече һәм урта бизнес эшмәкәрләре Ассоциациясе җитәкчесе Рәис Саттаров үз киңәш-фикерләрен җиткерде.
- Тик яткан таш астыннан су йөрмәгән кебек, тик торырга ярамый. Һәр кешенең нинди дә булса яратып башкара торган эше була. Ул аны башкаларга караганда остарак эшли. Шул эштән башларга кирәк. Иң мөһиме тик тормаска кирәк.
- Сез үзегезнең эшне нидән башладыгыз?
- Эшмәкәрләр белән бергә Чувашиянең Шыгырдан дигән авылына барып кайттык. Анда бөтен кеше үз эше белән шөгыльләнә. Шәхсән үзем түбә калайлары ясау белән кызыксынып киттем. Кайткач, дәүләттән бирелүче Лизинг-грант ярдәмендә калай бөгүче станоклар алып, партнерым Айдар Хәсәншин белән мини-завод ачып җибәрдек. Түбә калайлары, тәрәзә кашагалары, теплицалар, хәтта почта тартмаларына кадәр үзебез ясап кешегә сатабыз. Бирегә товар сорап килгән кеше өй салырга нәрсә кирәк - шуны табарга тиеш, шул максаттан чыгып эш иттек. Бүгенге көндә бездә алты кеше эшли.
- Районда эшмәкәр-ләрнең үз Ассоциациясе бар дидек. Биредә эшмәкәрләргә ярдәм күрсәтеләме?
-Безнең районда Аллага шөкер, эшмәкәрләр күп. Төп максат- бер-берең белән аралашу, бер-береңнән киңәш сорау, өйрәнү. Үзең генә чишеп булмаслык проблемалар да килеп чыга кайчак. Кемдер бу проблема белән очрашып, аны хәл иткән булырга да мөмкин. Сораш, белеш, йөр. Шул вакытта гына тиешле нәтиҗәгә ирешеп булачак. Район башкарма Советында эшмәкәрлекне үстерү бүлегендә үз эшен башлаучыларга документлар тутыру буенча да, башка мәсьәләләрне хәл иткәндә дә ярдәм итәргә әзер торалар. Әйе, илдә кризис бара дип, бер урында тукталып калырга, таптанып торырга ярамый. Башлаган эшне дәвам итәргә, ә үз эшен башлаучыларга куркып калмаска кирәк. «Кризис» сүзе дә бит, проблема һәм мөмкинлек дигән мәгънәне аңлата. Проблема булган кебек, аны чишү юллары да, һичшиксез табылачак.
Алсу Җиһаншина.
P.S. «татарстан рес-публикасында кече һәм урта эшмәкәрлекне үстерү чаралары» - бу турыда тулырак мәгълүматны «Атна вакыйга-лары»нда укыгыз.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X