Теләче Информ

Балык Бистәсе районында ир-ат сүндерелмәгән тәмәке аркасында янып үлгән

Татарстанның Балык Бистәсе районында ир-ат сүндерелмәгән тәмәке аркасында янып үлгән.

Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бердәм 112 ашыгыч хезмәте номерына сишәмбе, 3 июль көнне, көндез Троицкий Урай авылында зур булмаган бер катлы шәхси йортта янгын чыгу хәбәре алынган.

Янгында 47 яшьлек ир-ат һәлак булган. Янгын калдыкларын актарганда аш бүлмәсендә эчеп бетерелмәгән хәмер шешәсе табылган.

Реклама

Һәлак булган ир-атның күршеләре аның берүзе яшәвен, беркайда да эшләмәве, спиртлы эчемлекләр куллануы һәм тәмәке тартуы турында сөйләгән. Фаҗига буласы көнне дә ул исерек булган, кибеткә аракы алырга килгән. Бер шешә аракы алып өенә киткән. Берничә сәгатьтән йортта янгын башланган.

Беренчел мәгълүматлар буенча, янгын сәбәбе булып, тәмәке тартканда саклану чаралары күрелмәү тора. Һәлак булучының тәмәкесен сүндерми йоклап китү фаразы бар. Янгын мәйданы 105 квадрат метрны тәшкил иткән.

  

Татар -информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: