Теләче Информ

Башкортстанда давыл нәтиҗәләре: ауган агачлар, каерылган түбәләр

Уфада давыл коймаларны, светофорны аударган, 18 автомобильгә зыян китергән.

Узган ял көннәрендә Башкортстанда секундына 25 метрга җиткән көчле җил агачларны аударган, хастаханә түбәсен каерган, берничә торак пунктта яшәүчеләр утсыз калган. Бу хакта «Башинформ» агентлыгы хәбәр итә.

6 муниципаль райондагы 16 торак пунктта 37 йортта электр энергиясе белән тәэмин итүдә өзеклек килеп чыккан, дип хәбәр иттеләр Россия Гадәттән тыш хәлләр министрлыгының Башкортстан Республикасы буенча Баш идарәсендә. Аларның барысында да 1,5-2 сәгать эчендә ут белән тәэмин итү яңадан торгызылган.

Реклама

Көчле җил шулай ук Дәүләкән шәһәре Үзәк район хастаханәсенең түбәсенә зыян китергән, Уфа һәм Туймазы шәһәрләрендә - реклама баннерларын, Уфада һәм Благовещенск районында агачларны аударган.

Уфада давыл коймаларны, светофорны аударган, 18 автомобильгә зыян китергән.
 

Чыганак: Татар Информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: