"Батырлар бәйгесен"дә- Теләче батырлары

22 август көнне Казанның "Ак Барс" көрәш сараенда "Батырлар бәйгесе" көрәш турниры узды. 100 килограммлы үлчәү авырлыгынды якташыбыз Теләчедән Раил Нургалиев белән Түбән Камадан Алексей Журавлев бил алышты. Бу юлы да билбау көрәше буенча ике тапкыр дөнья чемпионы Раил Нургалиев 7:1исәбе белән көндәшеннән өстен чыкты! Сүз уңаеннан, районыбызның яшь көрәшчеләре «Теләче» балалар һәм яшүсмерләр спорт мәктәбе тренерлары Райнур Шәмсетдинов һәм Венер Әскәров җитәкчелегендә Казанда "Ак Барс" Көрәш сараенда узган "Батырлар бәйгесе" турнирын карарга бардылар. "Бәйгене карарга баруның да төп максаты - районыбыз көрәшчеләрнә көч биреп тору, аларның көрәш алымнарын өйрәнү иде. Үзебезнең якташлар өчен горурланып кайттык",-ди яшьләр.