Бурятиядә өч яшьлек малай кап-кайнар сулы кәстрүлгә төшеп, пешеп үлгән, дип хәбәр итте ТАСС.
Тикшерүчеләр ачыклаганча, гаилә шәхси йортта яшәгән. Коммуналь хезмәтләр йортны кайнар су белән тәэмин итүне өзгән булган.
33 яшьлек хатын кич белән баласын юындыру өчен, кәстрүлдә су кайнаткан һәм ваннага куйган.
Әнисе чыгып киткән арада, бүлмәгә өч яшьлек бала йөгереп кергән. Бала ванна кырыена басып, суга сикергән.
Пешеп беткән баласын судан тартып алган ана, сабыен каз мае белән майлаган, температура төшерә торган дару эчерткән. Ләкин иртәнгә бала җан биргән, дип хәбәр итте "Татар-информ".
Нет комментариев