Кичә Чаллы шәһәрендә ике эшче җир астында күмелеп калган

Фаҗига кичә 18:49 сәгатьтә булган.

Гадәттән тыш хәл Чаллының Яңа шәһәрендәге 18/01 нче йорт янында булган. Эшчеләр кабель салу буенча җир асты эшләре алып барган. Ике эшченең өстенә ком ишелгән. Урында коткаручылар эшли. Эшчеләрнең башта берсен казып алганнар. 36 яшьлек эшче үлгән. Бу хакта РФ Гадәттән тыш хәлләр министрлыгының Татарстан буенча Баш идарәсенең матбугат хезмәте җитәкчесе Андрей Родыгин KazanFirst хәбәрчесенә җиткергән.

Соңрак, 22:11 сәгатьтә 41 яшьлек икенче эшченең дә гәүдәсен тапканнар. Ул чокырның төбендә үк - 5 метр тирәнлектә күмелеп калган була.

Интертат