Эксперт арыганлыкны бетерергә ярдәм итә торган продуктны атады
Салат яфраклары гипертонияле кешеләргә файдалы, аппетит уятырга ярдәм итә.
Әчкелт тәмдәге салат яфраклары арыганлыкны бетерергә һәм тынычланырга ярдәм итә. Дәүләт инспекциясенең туклану сыйфаты буенча идарә башлыгы Нина Зайцева шуны сөйләде. Бу турыда РИА Новости хәбәр итә.
Моннан тыш салат аппетитны уята. «С витамины һәм каротин белән бергә салат кан тамырларын ныгыта, гипертонияле кешеләргә файдалы, атеросклероздан кисәтә», - диде Нина Зайцева.
Салат чиста булырга, сортына карата формасы һәм төсе туры килергә тиеш, орлыклары өлгергән ягъни картайган булырга тиеш түгел.
Эксперт яфраклары шиңгән һәм саргайган, күгәрек таплары яки черү билгеләре булган салатны сайламаска киңәш итә.
Фото: https://pixabay.com
Следите за самым важным и интересным в Telegram-каналеТатмедиа
Нет комментариев