Теләче Информ

Гаугалы пассажир Казан-Рига рейсын бер сәгатькә тоткарлаган

Гаугалы пассажир Казан-Рига рейсын бер сәгатькә тоткарлаган. Бу хакта “Татар-информ” агентлыгына “Казан” Халыкара аэропорты матбугат секретаре Гадел Гатауллин хәбәр итте.

Бүген төнлә Рига-Казан рейсы белән пассажир килгән. Документларын тикшерү вакытында ир-атка Россия территориясенә керү тыелуы ачыкланган.

“Халыкара гражданнар авиациясе конвенциясе таләп иткәнчә, пассажирны шул ук рейс белән кире Ригага озатырга тиешләр. Әмма ир-ат үзен дуамал тота башлаган. Корабль командиры гаугачыны бортка алмаска карар иткән”, - дип сөйләде “Татар-информ”га Гадел Гатауллин.

Реклама

Нәтиҗәдә Казан-Рига рейсы бер сәгатькә тоткарланган. Дуамал пассажирны кире Латвия башкаласына җибәрүгә ирешкәннәр.

 

Татар- информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: