19 яшьлек Кайбыч районы егете хәйрия тартмасын урлый

19 яшьлек Кайбыч районы егете исерек килеш Буадагы ягулык салу станциясе бинасына беркетелгән үтә күренмәле тартманы урлый. Анда ике яшьлек авыру балага дип җыелган 8 мең сум хәйрия акчасы була. Ягулык салу операторының кисәтеп кычкыруына карамастан, егет аны алып, транспортка утырып китә. Угры тартманы ватып, андагы акчаларны алып якындагы кафега юнәлә һәм шунда аны полиция хезмәткәрләре тоткарлый.

Июнь аенда булган шушы җинаятьнең нәтиҗәсе буларак, Буа шәһәр суды аны шартлы сынау срогы белән 2 елга ирегеннән мәхрүм итү турында карар чыгарды, дип хәбәр итә Буа җирле басмасы.