Ике яшьлек малай югалган

Бурятиядә 2 яшьлек сабый югалган.

Ул әнисе белән туганнарына кунакка килгән булган. Әни кеше улын өй янында башка балалар белән уйнарга чыгарган. 20 минуттан соң чыккач, ул баласын тапмаган. Башка балалар да 2 яшьлек сабыйның кая киткәнен күрми калган.

Сабый югалган урыннан ерак түгел, елга буенда «Үләчәк» дигән язу тапканнар.

Тикшерүчеләр аны кем язганын һәм югалган малайга нинди мөнәсәбәте булуын ачыклый. Балигъ булмаган баланы урлау буенча җинаять эше ачылган.

Чыганак: Кызыл Таң