Теләче Информ

Икътисади үсеш министрлыгы Россияне 14 макротөбәккә бүләргә чакырды

14 макротөбәк гамәлдәге социаль-икътисади элемтәләрне чагылдырачак, дип фаразлыйлар министрлыкта.

Икътисади үсеш министрлыгы Россияне 14 макротөбәккә бүләргә чакырды. Бу хакта «Коммерсантъ» газетасы яза.

Әлеге инициатива сентябрь аенда Хөкүмәткә тапшырылачак «Киңлекләрне үстерү стратегиясе» проектында урын алган.

14 макротөбәк административ-территориаль берәмлекләр булмаячак, алар гамәлдәге социаль-икътисади элемтәләрне генә чагылдырачак. Ерак Көнчыгыш һәм Төньяк Кавказга Үзәк, Үзәк-Кара туфраклы өлкә, Төньяк, Төньяк-Көнбатыш, Көньяк, Идел-Кама, Идел-Урал, Урал, Көнбатыш Себер, Көньяк Себер, Енисей һәм Байкал макротөбәкләре өстәләчәк.

 

Реклама

Макротөбәкләр федераль округларга охшаш булачак, диелә басма хәбәрендә.

Мондый бүленеш төбәкара бәйләнешләр өчен уңайлы шартлар тәэмин итәчәк, дип өметләнәләр ведомствода. Моннан тыш, һәр макротөбәк составына ким дигәндә бер зур икътисади үсеш үзәге өстәләчәк.  

Фото: https://pixabay.com | OpenClipart-Vectors

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: