Кайбер сайлау участокларында тавышны электрон рәвештә бирү җайланмалары урнаштырылган

13 сентябрь - Татарстан республикасы Президентын һәм Теләче муниципаль җирлегенең депутатларын сайлау көне. Сайлаулар башланып китте. Халык иртәдән үк сайлау участокларына килеп, тавыш бирүдә актив катнаша. Кайбер сайлау участокларында тавышны электрон рәвештә бирү җайланмалары урнаштырылган. Электрон сайлау Алан, Айдар, Кече Кибәхуҗа, Максабаш, Орымширмә авылларында узачак. Мәсәлән, Орымширмә авылында 322 кеше электрон юл белән тавыш бирәчәк. Районда һәр сайлау участогы үтә күренмәле урналар, кабиналар, мәгълүмати материаллар белән тәэмин ителгән. Электр бирүдә өзеклек туа калса, дизельле генераторлар эшкә җигеләчәк.