Казанда дзюдо буенча Европа чемпионаты төгәлләнде - Россия җыелмасы ничәнче урында?

Казандагы чемпионатта 16 комплект медаль үз хуҗасын тапты. Медальләр саны буенча гомумкоманда беренчелегендә Россия спортчылары өченче урынга күтәрелә алды - 6 (1+2+3) медаль. Франция дзюдочыларына тиңнәр булмады - 8 (5-1-2). Икенчедә Грузия спортчылары - 8 (3-3-2).

Чемпионатның соңгы көнендә Россиянең хатын-кызлар һәм ир-атлар командасы да көмеш медаль яулый алды. Ир-атлар финалда Грузия командасына оттырса (2:3), хатын-кызлар Польша җыелмасыннан өстен чыга алмады - 2:3.

Шулай итеп, Россия җыелма командасына "алтын"ны - Хәсән Халмурзаев (81 кг), ике "көмеш"не - команда ярышларында хатын-кызлар һәм ир-атлар, өч "бронза"ны - Арсен Галстян (66 кг), Юлия Рыжова (52 кг) һәм Екатерина Валькова (63 кг) китерде.

Интертат

Фото: judort.org