Теләче Информ

Казанда ришвәт алган өч табибны хөкем итәргә җыеналар

Татарстан прокуратурасы җинаять эше буенча гаепләү нәтиҗәсен раслаган инде. Эш Казанның Идел буе районы судына тапшырылган. Җинаять эше 44 яшьлек Фәрит Әбүбәкиров, 64 яшьлек Габдулла Миндубаев һәм 43 яшьтәге Лилия Игнатьевага карата кузгатылган. Тикшерү фаразлары буенча, Казанның Авиатөзелеш районы Консультатив-диагностика үзәгендә хирург булып эшләүче Әбүбәкиров, бер хатын-кыздан, танышы - 21...

Татарстан прокуратурасы җинаять эше буенча гаепләү нәтиҗәсен раслаган инде. Эш Казанның Идел буе районы судына тапшырылган.


Җинаять эше 44 яшьлек Фәрит Әбүбәкиров, 64 яшьлек Габдулла Миндубаев һәм 43 яшьтәге Лилия Игнатьевага карата кузгатылган.

Тикшерү фаразлары буенча, Казанның Авиатөзелеш районы Консультатив-диагностика үзәгендә хирург булып эшләүче Әбүбәкиров, бер хатын-кыздан, танышы - 21 яшьлек егеткә армиядән алып калу максатыннан яссы табанлык турындагы ялган белешмә эшләп бирү өчен, 50 мең сум акча сораган. Шул ук вакытта акчаның бер өлешен табиб-рентгенолог Миндубаевка, ә анысы хезмәттәше Игнатьевага өлеш чыгарырга ниятләгән.

Әлеге эш хокук сакчыларының җитди күзәтүе астына алына. 13 июль көнне Әбүбәкиров 50 мең сум акчаны ала, 20 мең сумын Миндубаевка бирә. Ә анысы икенче көнне медицина бәяләмәсе ясап бирү өчен Игнатьевага 10 мең сум акча тапшыра. 15 июльдә Әбүбәкиров үз эш бүлмәсендә әлеге хатын-кызга сәламәтлекне тикшерү турындагы актны тапшыра. Шуннан соң медицина хезмәткәрләре хокук сагындагылар тарафыннан тоткарлана.

Тикшерү барышында алар өчесе дә үз гаепләрен тулысынча таныган. Милекләренә арест салынган.

intertat.ru

Нравится
Поделиться:
Реклама
Комментарии (0)
Осталось символов: