Машинада әнисен көтеп утырган бала үлгән

Мәскәү өлкәсенең Ступино шәһәрендә 35 яшьлек хатын, 5 яшьлек улын "Киа" автомобилендә калдырып, эшкә урнашырга кереп китә. Ул анда якынча 2,5-3 сәгать була. Чыгуына бала инде үлгән була...

Тикшерүчеләр баланың үлеменә китергән сәбәпләрне ачыклый. Әлегә төп версия - тәрәзәләре дә, ишекләре дә бикле автомобильдә һава җитмәү. Нәтиҗәдә, бала укшый һәм тончыгып үлә.

Юл хәвефсезлеге кагыйдәләренә 2017 елда кертелгән үзгәрешләргә ярашлы, 7 яшькә кадәр баланы машинада берүзен калдыру тыела.

kiziltan.ru

Фото: Yaplakal.com