МӘКТӘПЛӘРДӘ ИМТИХАННАРНЫ БЕТЕРЕРГӘ!
Сбербанк җитәкчесе Герман Греф мәктәпләрдәге классик имтиханнар системасыннан баш тартырга тәкъдим итә. Аның фикеренчә, имтиханнар укучыларда белем алу теләген бетерә.
"Бу коточкыч... Минем шәхси максатларымның берсе – имтиханнарны бетерү" – ди ул банкның Көнчыгыш икътисади форумындагы пленар сессиясендә.
Топ-менеджер фикеренчә, укучылар мәктәпләрдәге бәяләү системасына ияләшәләр, һәм, шуңа бәйле, урта мәктәпне "өстән күзәтү"дән башка берни дә эшли алмый торган "инвалидлар" тәмамлый.
Элегрәк Герман Греф физика-математика юнәлешендәге мәктәпләрне тәнкыйть утында тоткан иде. Аның сүзләренчә, мондый мәктәпләр – искелек калдыгы, чөнки киләчәктә математиклар һәм программистларга ихтыяҗ кими төшәчәк. Һәм балалар бер юнәлеш буенча гына түгел, бар юнәлештә дә бер үк дәрәҗәдә белем алырга тиешләр.
Фото: matbugat.ru
Следите за самым важным и интересным в Telegram-каналеТатмедиа
Нет комментариев