Теләче Информ

Полициягә ярдәм итүче гражданнарга 50 меңнән алып 10 млнга кадәр акча түләячәкләр

Эчке эшләр министрлыгы мәгълүмат бирүчеләргә түләүне хәл итте.

Россия юстиция министрлыгы Эчке эшләр министрлыгының полициягә җинаятьләрне ачуда ярдәм итүче гражданнарга бүләк акчасы түләргә рөхсәт бирүче приказны раслады. Бу хакта “Коммерсантъ” яза.

Эчке эшләр министрлыгы әлеге документ белән ике елдан артык шөгыльләнде. Ул Россия дәүләт органнары серверында басылып чыкканнан соң гамәлдә булачак.

Приказ нигезендә, хокук саклау органнары хезмәткәрләре финанс-икътисад сәясәте һәм социаль гарантияләрне тәэмин итүче департаментка мөрәҗәгать итеп, гражданнар ярдәменнән файдалана ала. Әгәр дә тәкъдим хупланса, бүләк акчасы суммасы күрсәтелгән мәгълүмат ведомство рәсми сайтында басылачак.

Реклама

Полициягә ярдәм иткән өчен, гражданнарга 50 меңнән алып 10 млнга кадәр акча түләячәкләр. 3 млнга кадәр түләүләр буенча Эчке эшләр министры беренче урынбасары кабул итәчәк, аннан эрерәк сумма булганда ведомство башлыгы Владимир Колокольцев белән килештереләчәк.

Алдан гражданнарга матди бүләк бик куркыныч җинаятьчене тотуда ярдәм иткәндә генә түләнә иде. Гадәттә мәгълүмат бирүчеләр “Эчке эшләр министрлыгына ярдәм иткән өчен” медале, грамоталар, бүләкләр һәм ведомствоның штаттан тыш хезмәткәре таныклыгы белән бүләкләнә иде.

Фото: https://pixabay.com | JESHOOTScom

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: