Теләче Информ

Россиядә тәмәке сату тулысынча тыелырга мөмкин

Россия Сәламәтлек министрлыгы 2022 елга кадәр исәпләнгән тәмәке тартуга каршы көрәш концепциясен кабул итте. Андагы төп пунктларның берсе - 2015 елда һәм аннан соң туучыларга, хәтта аларга 18 яшь тулганнан соң да, тәмәкене бөтенләй сатмау. Бу хакта "Известия" яза. Бу тыю 2033 елдан үз көченә керергә мөмкин. Концепция, танышу өчен,...

Россия Сәламәтлек министрлыгы 2022 елга кадәр исәпләнгән тәмәке тартуга каршы көрәш концепциясен кабул итте. Андагы төп пунктларның берсе - 2015 елда һәм аннан соң туучыларга, хәтта аларга 18 яшь тулганнан соң да, тәмәкене бөтенләй сатмау. Бу хакта "Известия" яза.

Бу тыю 2033 елдан үз көченә керергә мөмкин. Концепция, танышу өчен, төрле ведомстволарга җибәрелгән.

Концепция коммуналь фатирларда, барлык автомобиль транспортында, халыкара һәм шәһәрара пассажирларга хезмәт күрсәткәндә, җәмәгать транспорты тукталышларында һәм алардан 3 метр ераклыкта тартуны тыя. Шулай ук сәүдә үзәкләренең ишекләреннән 2 метр ераклыкта, җир асты һәм җир асты юлларында тарту тыелачак. Тыю шәхси автомобиль йөртүчеләргә дә кагыла - салонда балалар булганда, анда да тартырга ярамый.

Реклама

Теләсә нинди бинада, шулай ук тәмәке тартучының шәхси фатирында да, кем дә булса каршы килгән очракта, тарту тыела.

"Тартуга каршы көрәштә зур уңышларга ирешкән илләр тәмәкедән 2035 елга тулысынча баш тартырга җыена", - дип белдергән Сәламәтлек саклау министрлыгы вәкиле Виктор Зыков һәм бу тыюларны шушы илләрдәге практикадан алынуын әйткән.

Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: