Шәмәрдән теле-радио тапшырулар үзәгенә 20 ел. "Теләчеинформ" коллективы тәбрикли!

24 декабрь көнне Шәмәрдән теле-радио тапшырулар үзәгенең 20 еллык юбилее булды. Әлеге үзәк тирә-як районнар, шул исәптән безнең Теләче районы халкына да күп төрле теле-радио каналларны тапшыруда зур эш башкара.

Безнең "Теләче" телевидениесы да әлеге үзәк белән тыгыз хезмәттәшлектә тора. 2005 елның май аенда беренче тапкыр әлеге үзәк аша "Теләче" телевидениесы эфирга чыкты.

Шул вакыттан башлап инде менә 11нче ел рәттән без халыкка Теләче районы яңалыкларын зәңгәр экраннар аша җиткереп торабыз.

"Теләчеинформ" мәгълүмат үзәге Шәмәрдән теле-радио тапшырулар үзәген 20 еллык юбилее белән тәбрик итә! Алга таба да күп еллар шулай нәтиҗәле хезмәттәшлек итеп яшәргә насыйп булсын.