Таһир – «Татар егете - 2015»

Ватанны саклаучылар көне уңаеннан район мәдәният йортында «Татар егете» бәйгесе узуы турында хәбәр иткән идек инде. Бик үзенчәлекле һәм күңелле чарада районыбызының 6 баһадиры катнашты. Номинацияләр буенча җиңүчеләр: «Иң тапкыр егет» - Ильяс Хәбибуллин (Сауш), «Иң талантлы егет» - Илфир Җәләев (Шәтке), «Иң җитез егет» - Илүс Хәкимов (Түбән Саурыш), «Замана егете» - Ирек Нигъмәтҗанов (Теләче), Интернет челтәрендә «Иң күп тавыш җыючы» - Илнар Хәсәнов. Ә 2015 елның «Татар егете» исеменә барлык сынауларны да горур үтеп, Олы Мәтәскә авылы егете - Таһир Кәримуллин лаек булды. Афәрин, егетләр!