Татарстан халкы коммуналь чыгымнарны интернетта исәпләтә ала

Ресупбликаның Тарифлар буенча дәүләт комитеты сайтында әнә шундый хезмәт барлыкка килде. Моның өчен http://kt.tatarstan.ru адресы аша кереп, "обращения и прием граждан" бүлеген ачарга кирәк. Аннары алдыгызда "коммуналь түләүләр калькуляторы" пәйда булачак.

Дөрес, калькулятор санап биргән сумма белән сезгә килгән түләү кәгазендә язылганы арасында аерма да булуы ихтимал, дип кисәтә белгечләр. Әмма ул гомумйорт ихтыяҗлары өчен тотылган чыгымнар белән бәйле. Шуңа күрә барлык сораулар белән идарә оешмаларына һәм исәпләү үзәгенә (РРЦ) мөрәҗәгать итәргә киңәш бирәләр.

Ватаным Татарстан