Татарстанда яңа уку елының кайчан башланачагы әлегә билгеле түгел - Мәгариф министрлыгы

Быел 1 сентябрь - Белем көне, Корбан бәйрәменә туры килгәнлектән, укучылар мәктәпкә 4 сентябрьдә генә барачак дигән хәбәргә Татарстан Мәгариф һәм фән министрлыгы "Татар-информ"га аңлатма бирде. Министрлыкның гомуми белем бирү бүлеге әйдәп баручы белгече Марина Алексеева сүзләренчә, бу мәсьәлә әлегә хәл ителмәгән.

Исегезгә төшерәбез, "Шәһри Чаллы" сайтына сылтама белән arskmedia.ru сайты быел яңа уку елы 4 сентябрьдә генә башлана, дип язып чыккан иде. Бу - сентябрь башында озын яллар: 30 август - Республика көне, 1 сентябрь - Корбан бәйрәме уңаеннан ял көне, ә инде 2 се, 3 се - атна ахырындагы ял көннәре булу белән аңлата

Татар Информ