Теләчедә чия кадәрле боз яуган

автор, 10 июль 2018 - 12:03

1239

Татарстанның Теләче районында чия кадәрле боз яуган. Бу хакта Матбугат.ру укучылары хәбәр итә. Бүген көндез кап-кара болыт чыга һәм яңгыр катыш боз ява башлый. Фотолардан күренгәнчә, боз бакчаларга зыян салган, яңа гына көч җыеп килгән үсентеләр өзелеп төшкән.

Синоптиклар әле алдагы көннәрдә дә Татарстанда көчле җил, яңгыр һәм боз вәгъдә итә.

Әле кичә генә Кама Тамагы районының Казиле авыл халкын Америка тирәләрендә генә еш очрый торган өермә куркытуы турында язган идек. Яшеннәр дә быел зыянны күп салды. Аллаһ сакласын инде.