Теләченең Яңа Ел Чыршысы өчен махсус конкурста тавыш бирергә чакырабыз!

Хөрмәтле дуслар, Яңа Ел уңаеннан Татарстанның муниципаль берәмлекләр порталы «Лучшее оформление новогодней елки среди муниципальных образований Республики Татарстан» исемле конкурс игълан итте. Әлеге конкурс бите: msu.tatarstan.ru/rus/ngkonkurs2016.htm.

Тавыш бирү өчен шул сайтка керергә, үз районыңны исемлектән сайлап алырга һәм ике сорауга җавап бирергә кирәк: "Чыршы бизәлеше сезгә ошадымы?", һәм "Чыршы тирәсендә үткәрелгән чаралар ошадымы?". Ни дәрәҗәдә ошаганын аңлату өчен үзегез дөрес дип санаган билге куярга, үзегезнең робот түгел, чын кеше икәнегезне исбатлар өчен капчага берничә сан язарга һәм "Отправить" төймәсенә басарга кирәк.

Әлбәттә инде, без сезне шул биткә күчеп безнең район Яңа Ел Чыршысы өчен актив тавыш бирергә чакырабыз! Тавыш бирү 20 гыйнварга кадәр бара.