"Татар теле - таралышы буенча Россиядә икенче урында тора. Әлеге телдә 4 миллион кеше сөйләшә, - дип аңлатма биргәннәр "Яндекс"та әлеге яңалыкның кертелүен.
Интернетта music.yandex.ru/genre/tatar битен ачу белән тыңлаучылар арасында иң киң таралган җырларны күреп була. Шунысы кызык: беренче урында Elvin Grey (Радик Юльякшин) башкаруындагы русча "Девочка моя" җыры тора. Аннан соң Алсуның "Ак каен" җыры һәм кабат Elvin Grey - бу юлы инде "Кайтам" җыры белән. Беренче унлыкка Лилия Гыйматдинова, Салават, Фирдүс Тямаев, Илназ Гарипов, Ринат Рәхмәтуллин җырлары да кергән.
Ә иң популяр башкаручылар исемлегендә Салаватның бишенче урында гына булуы игътибарга лаек. Ә беренче бишлектә - Elvin Grey, Фирдүс Тямаев, Айдар Галимов һәм Ринат Рәхмәтуллин кергән.
Нет комментариев