Янәдән сәүдә үзәгендә янгын чыккан

(Казан, 20 август, «Татар-информ»). Тверьдә сәүдә үзәгендә 250 квадрат метр мәйданда янгын чыккан. Бу хакта РИА Новости агентлыгы хәбәр итә.

Янгын бүген иртән Можайский урамындагы комплекста чыккан. Агентлык мәгълүматлары буенча, үзәкнең кайчандыр «Тележка» кибете урнашкан, хәзер буш торган мәйданчыгына ут капкан.

Янгын электр үткәргечендә кыска ялганыш барлыкка килү нәтиҗәсендә чыккан дип фаразлана.

Ут белән көрәшүчеләр янгынны тиз арада сүндергән, зыян күрүчеләр турында мәгълүмат юк.

Фото: скриншот видео youtube.com/user/iadezhurka