Теләче Информ

Җырчы Алсу Сафина исеменнән эш йөртүче мошенниклардан сак булыгыз!

Соңгы вакытта интернет челтәре Татарстанның халык артисты Алсу турындагы төрле гайбәтләр белән шыплап тулды. Янәсе җырчы яшәртә торган беләзек киеп йөри, шул сәбәпле 32 яшьлек Алсу һаман да яшь күренә икән. Моннан тыш, җырчыны "яшәртә" торган башка ысуллар да мәгълүм булды. Халык шуңа ышанып, "могҗизалы" товарларга заказ да бирә башлаган....

Соңгы вакытта интернет челтәре Татарстанның халык артисты Алсу турындагы төрле гайбәтләр белән шыплап тулды. Янәсе җырчы яшәртә торган беләзек киеп йөри, шул сәбәпле 32 яшьлек Алсу һаман да яшь күренә икән. Моннан тыш, җырчыны "яшәртә" торган башка ысуллар да мәгълүм булды. Халык шуңа ышанып, "могҗизалы" товарларга заказ да бирә башлаган. Чыннан да, җырчы яшәртә торган әйберләр кулланамы? Ниһаять, Алсу бу имеш-мимешләргә ачыклык кертте.

- Интернетта имештер мин куллана торган төрле товарларны рекламалаучы һәм минем исемнән бу хакта "күпсанлы интервьюларда" сөйләүче язмалар, ялган битләр артып китте. Мондый язмаларга артык игътибар бирергә тырышмасам да, сабырлыкның да чиге була. Әгәр сезгә минем исемнән ачылган ялган битләрдән хатлар җибәрсәләр, кичекмәстән аларны "блокировать" итәргә чакырам. Үземнән өстәп шуны әйтәсем килә: миңа, теләсә кайсы хатын-кызга кебек үк, яшь булып саклануым турындагы язмаларны уку рәхәт. Ләкин бу "могҗизалы беләзек", "йөзек", "муенса" куллану белән һич бәйле түгел. Моның сере минем ЯШЬ булуымда! Сездән яшереп саклый торган бер серем дә юк, сәламәт йокы, дөрес туклану һәм спорт - бары шул гына! Һәм, әлбәттә, йөрәктә мәхәббәт булырга тиеш! Әгәр дә берәр ысуллар, чаралар куллансам, кибетләр ачсам, бу хакта шушы биттә шәхсән үземнән белерсез, - дип язган Алсу Инстраграмдагы аккаунтында.

intertat.ru

Сүз уңаеннан, интернет челтәрендә башка танылган кешеләр исемнәрен дә файдаланып кешене алдарга маташучылар бик күп. Алла Пугачева ничек яшәргән, фәлән җырчы менә болай ябыккан дигән алдавыч рекламалар, фәлән дару яки яшәртә, ябыктыра торган приборлар турында "Пусть говорят" һәм башка шундый популяр тапшыруларда сөйләнелде, дигән булып ялган, бернинди дә файдасы булмаган "пустышка" рекламалары бик күп сайтларда ялр-йолт килеп игътибарны җәлеп итә, сак булыгыз, алданмагыз!

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: