Югалган сугыш ветераны исән-имин өенә кайткан

5 октябрь көнне зиратка киткән җиреннән, Түбән Саурыш авылында яшәүче Бөек Ватан сугышы ветераны Муса Шәрипов югала. Бу хәбәрне ишетүгә үк авыл халкы һәм мәктәп укучылары ярдәмгә ашыга. Теләче һәм Шәмәрдән районы МЧС хезмәткәрләре, барлык авыл халкы бергәләп эзләргә тотына. Ветеран бабай кичке тугызларда табылып, өенә исән-сау кайта. Аны эзләүдә булышлык күрсәткән барча халыкка туганнары, гаиләсе чиксез рәхмәтләрен җиткерә. "Ярдәм кулы сузып, безгә кылган изгелекләрегез үзегезгә меңе белән кайтса иде"-, ди алар.