Теләче Информ

Заһид Мәхмүди һәм Фәнис Камалның Mahmut Film студиясе төшергән "Җәза" фильмының ТРЕЙЛЕРЫ чыкты

Әлеге боевик Заһид Мәхмүдинең "Әче балан" дигән китабына нигезләнгән. Фильм 9 ай төшерелгән. Әзерлек эшләре тагын да озаграк барган ди. "Бу фильм - жанры белән дә, су астында төшерелүе бе­лән дә яңалык," - ди баш режиссер Фәнис Камал. Мөселман киносы фестивале көннәрендә "Ватаным Татарстан" әлеге кино турында менә нәрсәләр язган...

Әлеге боевик Заһид Мәхмүдинең "Әче балан" дигән китабына нигезләнгән. Фильм 9 ай төшерелгән. Әзерлек эшләре тагын да озаграк барган ди. "Бу фильм - жанры белән дә, су астында төшерелүе бе­лән дә яңалык," - ди баш режиссер Фәнис Камал.

Мөселман киносы фестивале көннәрендә "Ватаным Татарстан" әлеге кино турында менә нәрсәләр язган иде:

Тырыша торгач, боевигыбыз да булды. Ул Заһид Мәхмүдинең "Әче балан" дигән китабына нигезләнеп төшерелгән. Китап авторы фильм турында менә ниләр сөйләде:

- Кино белән яшьләр кызыксына башлавына сөе­нәм. Алар, тамашачы кебек үк, бер күзәнәкле фильм­нар­дан туйдылар булса кирәк. "Мәхмүт-фильм" төр­кеме дә үз кинобызны аякка бастыру теләге белән оешты. Аларга беркем дә ярдәм итмәде. Бу төркем кино булсын дип җан атып, энтузиазм белән эшләгән кеше­ләрдән тора. Шуңа күрә фильм ялыктырмый, битараф калучылар булмаган дип ышанам. Ни өчен шундый авыр темамы? Чөнки наркомания ул вакытта да, хәзер дә иң куркыныч афәт булып санала. Хәзер бигрәк тә куркыныч ул. Чөнки әфьюннең ниндиләрен генә ясамыйлар. Синтетик булганнарыннан бөтенләй дә­валап та булмый әле.
Кино әфьюн баткаклыгына кереп чумган яшь егет хакында. Аның күзләре шул­кадәр тонган ки, бер мизгел рәхәтлек өчен дус­тының кызын, соңрак атасын үтереп суга ташларга да чирканмый.
Заһид Мәхмүди герои­няның прототибы кайчандыр бергә эшләгән хезмәт­тәшенең кызы булуын сөй­ләде. Бу хәл 1998 елда булган, җинаятьчене тоту эшен­дә ул үзе дә катнашкан. "Җи­на­ятьче тотылды да бит, 17 яшьлек чәчәк кебек кыз гына кире кайтмады... Бу хәл кулга каләм алырга мәҗбүр итте", - дип сөйләде ул. Автор буяулар уйлап табучы галим­нең дә чынбарлыктан алынуын, аның гомеренең үз улы кулыннан өзелүен яшер­мәде. Тик монысы фактлар белән расланмыйча, җи­на­ять ачыл­­мыйча калган икән. Язучы Фәнзаман Баттал уйнаган герой тамашачыда катлаулы хис­ләр тудырды. Хикмәт шун­да: ул сугыш вакытында үзенә ярдәм күр­сәткән шәфкать туташын көчли. Заһид Мәхмүди мондый кешедә фатирда торган һәм бу кеше аңа әлеге хәлне сөйләп биргән икән. Мин бу хәлне кабул итә алмыйча, фа­тирдан чыгып кит­кән идем, дип искә ала ул. Ә Фәнзаман Баттал фильм­ның каралама вариантын күргән һәм фильм­­ның уңы­шына чын күңелдән ышанган икән. Кызганыч, ул бу көннәргә хәтле яши алмады.

Реклама

matbugat.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: