Сыйфатлы хезмәт – көн таләбе

Соңыннан, ул аларның иң-иңнәренә, ягъни соңгы өч көндә язгы кыр эшләрендә фидакарьлек үрнәге күрсәтеп эшләгән игенче-механизаторларга акчалата премияләр өчен сертификатлар тапшырды. Мондый бүләккә “Әхмәтов” крестьян –хуҗалыгыннан -  Васил Вәлиев, “Баландыш” кооперативыннан - Камил Нуриев лаек булды. Сертификатларны алар районыбыз җитәкчесе Нәҗип Хаҗипов кулыннан кабул итеп алды.  Басудагы очрашу барышында ул авыл хуҗалыгы предприятиеләре, крестьян-фермер хуҗалыклары җитәкчеләренә мөрәҗәгать итеп,  кулланыштагы техниканы, ягулык-майлау материалларын рациональ файдалану, чәчү эшләрен мөмкин кадәр югары сыйфат белән, чыгымнарны бермә-бер киметеп,  кыска срокта башкарып чыгу кирәклеген ассызыклады. 
Азактан муниципаль район башкарма җитәкчесе Нәҗип Хаҗипов “Баландыш” кооперативында 130 баш яшь терлеккә исәпләнеп, хуҗалык хисабына төзекләндерелүче һәм реконструкцияэшләре алып барылучы торакны карады, үзенең уй-фикерләре белән уртаклашты, эшлекле тәкъдимнәрен җиткерде.
Төшкә кадәр акчалата премия алу хокукын бирүче шундый ук сертификатлар җаваплылыгы чикләнгән “Алан” ширкәте механизаторы Зөфәр Шәйхетдинов белән җаваплылыгы чикләнгән “Таң” ширкәте механизаторы Әмир Әскаровка да тапшырылды. Сертификатларны ияләренә район авыл хуҗалыгы һәм азык-төлек идарәсе җитәкчесе Ралиф Низаметдинов тапшырды. Моннан тыш, идарә җитәкчесе язгы кыр эшләренең барышы белән танышты, аның сыйфаты һәм хезмәткә түләү мәсьәләләре белән дә кызыксынды.
Фәнил Нигъмәтҗанов.
Автор фотолары.