Теләче Информ

Гөлназ һәм Линара Батталовалар апалы-сеңеллеме?

Татар эстрадасында ике Батталова бар: берсе - "Ямьле" төркеменнән Гөлназ, икенчесе - "Кыю кызлар" төркемендә җырлаучы Линара. Линараны шулай ук җырчы Марат Галимовның тормыш иптәше буларак та беләләр. Бу кызларның икесе дә талантлы, күз явын алырлык чибәр, зифа гәүдәле һәм бер-берсенә бик нык охшаганнар. Гөлназ белән Линара апалы-сеңелле түгел микән...

Татар эстрадасында ике Батталова бар: берсе - "Ямьле" төркеменнән Гөлназ, икенчесе - "Кыю кызлар" төркемендә җырлаучы Линара. Линараны шулай ук җырчы Марат Галимовның тормыш иптәше буларак та беләләр. Бу кызларның икесе дә талантлы, күз явын алырлык чибәр, зифа гәүдәле һәм бер-берсенә бик нык охшаганнар. Гөлназ белән Линара апалы-сеңелле түгел микән соң?


- Линара белән 8-9 ел элек Чаллыда концерт вакытында таныштык. Ул вакытта мин мәктәптә укый идем әле. Аннан соң без мин укырга кергән Казан дәүләт мәдәният һәм сәнгать университетында күрештек һәм дуслашып киттек. "Сез апалы-сеңеллеме?" - дип сораучыларга элек: "Юк", - дисәк, хәзер берни дә аңлатып тормыйча гына: "Әйе!" - дип җавап бирәбез. Чыннан да, фамилияләребез дә бертөрле, төс-кыяфәт белән дә охшаш яклар бар. Ул гына да түгел, шушы еллар дәверендә без апалы-сеңел кебек булдык, беребезгә бик якынайдык, - дип сөйләде Intertat.ru хәбәрчесенә Гөлназ Батталова.


"Ни өчен бер төркемдә эшләргә, бергә җырларга теләмисез?" - дигән сорауга: "Без танышканда, Линара инде төркем солисты, ә мин үзем генә җырлый идем. "Ямьле" төркемен оештыру идеясе 3 ел элек барлыкка килде, әмма алар да төркем оештырып өлгергән иде инде. Линараны үзебезгә чакыру уе бар иде, тик "Ямьле" белән "Кыю кызлар" - концепцияләре буенча бер-берсенә бөтенләй охшамаган ике төрле проект. Без һәрвакыт эш буенча киңәшләшәбез, шуңа да безнең арада көндәшлек, гомумән, була алмый", - дип җавап бирде Гөлназ.



Гөлназ Линараның кызы белән

Эльвира Шакирова

Интертат

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: