Теләче Информ

Салават Миңнеханов клип төшерәм дип батып яткан

Эстраданың парлы җырчылары Салават Миңнеханов һәм Гүзәлем Яңа ел каникулларында тик ятмаган, яраткан тамашачысы өчен шәп клип төшергән! "Ай, яй, яй" исемле шаян җырның клибы эчтәлекле, кызыклы сюжетка корылган. Аның төп геройлары турында безгә Салават Миңнеханов сөйләде. - "Ай, яй, яй" - "Кил, кил" җырына төшерелгән клипның дәвамы булачак. Элеккесендә...

Эстраданың парлы җырчылары Салават Миңнеханов һәм Гүзәлем Яңа ел каникулларында тик ятмаган, яраткан тамашачысы өчен шәп клип төшергән! "Ай, яй, яй" исемле шаян җырның клибы эчтәлекле, кызыклы сюжетка корылган. Аның төп геройлары турында безгә Салават Миңнеханов сөйләде.


- "Ай, яй, яй" - "Кил, кил" җырына төшерелгән клипның дәвамы булачак. Элеккесендә вакыйгалар җәй көне барса, яңасын кышкы табигатьтә төшерергә булдык. Монда да Азнакай районы Карамалы Елга авылында яшәүче, һәркемгә таныш булган энерджайзер әби белән бабай катнаша. Клипны 2, 3 гыйнвар көннәрендә, нәкъ буран дулап, ишеп кар яуганда төшердек. Хәтта авылда машина белән батып ятарга туры килде, - дип сөйләде Intertat.ru хәбәрчесенә Салават Миңнеханов.

Реклама


Аның әйтүенчә, әби белән бабай олы яшьтә булгач, сүзләрне истә калдыру аларга авыррак бирелә. "Бигрәк тә бабайның хәтере начар. Кайвакыт сарайга ни өчен чыкканымны онытып, кире өйгә кереп китәм, ди. Ә үз тормышы турында бик яратып тәмләп сөйли. Азнакайга кайткан саен әби белән бабай янына керергә тырышабыз. Агач өй, өй эчендә мич, мичтә пешкән икмәк - барысы да әкияттәге сыман. Бу йортка килеп кергәч рәхәт булып китә", - ди җырчы.


Яңа клип февраль аенда дөнья күрер дип көтелә.


Эльвира ШАКИРОВА

Интертат.ру

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: