Теләче Информ

Урамда калган Алинә Сафиуллина яңа фатиры өчен күпме түли?

21 апрельдә Алинә Сафиуллина туган көнен билгеләп үткән. Бу уңайдан җырчы үзенә зур бүләк ясаган: Казанда фатир алган! «Ирем белән аерылышкач, улым Нариман белән Теләчегә әти-әни йортына кайтырга мәҗбүр булдык. Тик минем хыялым - Казанда яшәү. Шуңа күрә башкалада фатир алырга тәвәкәлләдем. Хатын-кыз утта да янмый, суда да батмый ул....

Реклама

21 апрельдә Алинә Сафиуллина туган көнен билгеләп үткән. Бу уңайдан җырчы үзенә зур бүләк ясаган: Казанда фатир алган!

«Ирем белән аерылышкач, улым Нариман белән Теләчегә әти-әни йортына кайтырга мәҗбүр булдык. Тик минем хыялым - Казанда яшәү. Шуңа күрә башкалада фатир алырга тәвәкәлләдем. Хатын-кыз утта да янмый, суда да батмый ул. Тормышымда булган авыр хәлләр, киресенчә, чыныктырды гына. Җырда җырланганча, бер егылып торган егылмас», дип сөйләде Татар Тудей хәбәрчесенә Алинә Сафиуллина.

Җырчы сүзләренчә, ипотекага алынган фатиры өчен ул ай саен 30 мең сум түләп бара. Фатиры исә Казанның Идел буе районында урнашкан. «Улымны Казанда үстерәсем килә. Нариманга хәзер 1,7 яшь. Көннән-көн шатландыра, әкренләп сөйләшә башлады», ди Алинә.

«Туган көнеңне ничек үткәрәсең?» дигән сорауга: «Хәзерге вакытта Әлмәткә чыгыш ясарга барам. Зурлап үткәрергә җыенмыйм», дип җавап бирде ул. Җырчыны 32 яшь тулган көне белән чын күңелдән котлыйбыз, нык сәламәтлек, ак бәхетләр, зур уңышлар телибез!

Эльвира ШАКИРОВА

http://tatar-today.ru/2017/04/19653/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: