Экспертлар төнге ашауның иң начар җиде вариантын атадылар

Экспертлар төнге ашауның иң начар җиде вариантын атадылар. Бу хакта «МедикФорум» порталына сылтама белән «Известия» яза.

Экспертлар төнгә каршы иң зыянлысы —кыздырылган ризыклар ашау, дип саный. Аларда канцерогеннар була. Мәсәлән, майда әзерләнгән кыздырылган йомырка яки ит яман шеш барлыкка килүгә сәбәп булырга мөмкин.

Төнгә ит кулланудан баш тартырга кирәк — бу холестерин алмашын бозарга мөмкин. Аксымлы продуктларны 20.00 сәгатькә кадәр ашау яхшырак.

Төнгә каршы шулай ук кузак-борчаклы ризыклар, шоколад һәм тозлы-борычлы ризык куллану начар вариант булып тора. Сөтле ботка да туры килми, чөнки анда шикәр бар.

Төнгә җиләк-җимеш ашау иң яхшысы. Алмадан тыш, барысы да туры киләчәк. Алар ашказаны асты бизен тулыландыра. Экспертлар төнлә капкалап алу өчен әфлисун яки киви ашап куюны тәкъдим итә.

Фото: https://pixabay.com

https://tatar-inform.tatar