Теләче Информ

Теләче районы

18+
2024 - Гаилә елы
В республике

Галимова: Татарстан үз-үзеңне изоляцияләү режимыннан чыга башлый

Барлык санитар-эпидемиологик куркынычсызлык таләпләрен үтәгәндә йомшарту чаралары булырга мөмкин.

Татарстан Республикасы үз-үзеңне изоляцияләү режимыннан чыгуның беренче этабында тора. Бу хакта онлайн-брифингта ТР Президенты матбугат хезмәте җитәкчесе Лилия Галимова хәбәр итте.

«Республика хәзерге санитар-эпидемиологик вазгыятьтән чыгып, үз-үзеңне изоляцияләү режимыннан чыгу планын әзерли. Без хәзер баш санитар табиб (Роспотребнадзор башлыгы Анна Попова - Т-и иск.) әйткән беренче этапта торабыз. Сез беләсез, акрынлап Татарстан Республикасы Президенты карары белән Хөкүмәт карарга үзгәрешләр кертте, аерым категорияләргә йөгерүгә чыгу мөмкинлеге бирде», — диде ул.

Исегезгә төшерәбез, кичә РФ Президенты Владимир Путин катнашында узган киңәшмәдә Роспотребнадзор башлыгы үз-үзеңне изоляцияләү режимыннан этаплап чыгу планын тәкъдим итте. Беренче этапта россиялеләргә спорт белән шөгыльләнүне һәм балалар белән йөрүне рөхсәт итә алалар, ләкин дистанцияне үтәүне исәпкә алып.

 

Галимова, планны эшләгәндә, Рөстәм Миңнеханов: «барлык йомшарту чаралары бары тик бер генә очракта булырга мөмкин, барлык санитар-эпидемиологик таләпләр үтәлергә тиеш», — дигән бурыч куйды. Монда кибетләрдә, җәмәгать транспортында битлекне мәҗбүри кию, дистанцияне үтәү һәм башкалар керә.

«Республика планы якын көннәрдә игълан ителәчәк. Башта ул ТР Президенты тарафыннан килештерелергә тиеш. Ул һәр пункт буенча тәкъдим ителгән нигезләүне  карый», - диде ТР Президенты матбугат хезмәте җитәкчесе.

Фото: архив/Владимир Васильев

Чыганак: tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X