Теләче Информ

Камил хәзрәт Сәмигуллин яшь мөселманнарның белемнәрен тикшерде

Мөфти ислам университетының "Рәшидә" үзәгендә белем алучы балалар белән очрашты.

Татарстан мөфтие Камил хәзрәт Сәмигуллин Казан ислам университетының "Рәшидә" ислам дини уку-укыту үзәгендә булды. Бу хакта Татарстан мөселманнары Диния нәзарәте матбугат хезмәте хәбәр итә.

Камил хәзрәт биредә ике атналык Коръән курсларында белем алучы 10-15 яшьлек балалар белән очрашты. Балалар Коръән-хафизлардан сабак алалар. Мөфти хәзрәт яшь мөселманнарның белемнәрен тикшерде һәм аларны кызыксындырган сорауларга җавап бирде.

"Рәшидә" уку-укыту үзәгендә Татарстан мөфтие шулай ук хөрмәтле шәйх Хәсән Һәдия белән очрашты. Ул Ислам дөньясы лигасының Бөтендөнья Коръән хафизлар әзерләү оешмасы вәкиле булып тора.

Реклама

 

Фото: http://dumrt.ru

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: