Казан Кремлендә «АИГЕЛ» дуэты чыгыш ясаячак
TAT CULT FEST фестивале дөньяның 20 шәһәреннән татар сәхнәсенең 30 иң яхшы командасын кабул итәчәк.
30 августта Казан Кремлендә TAT CULT FEST фестивале мәйданчыгында «АИГЕЛ» дуэты чыгыш ясаячак. Илья Барамия һәм Айгөл Гайсинадан тыш, зур музыкаль тамашада The Children of the Underground һәм Super Tatar белән бергә Зөлфия Камалова да катнаша. Фестиваль өч сәхнәдә дөньяның 20 шәһәреннән татар сәхнәсенең 30 иң яхшы командасын кабул итәчәк. Бу хакта ТР Мәдәният министрлыгының матбугат хезмәте хәбәр итә.
TAT CULT FEST бренды белән чаралар 29 һәм 31 август көннәрендә дә узачак. 29 августта шәһәрнең креатив киңлекләре территориясендә «ЛИКБЕЗ» - белем бирү лекцияләре, мастер класслар, мәдәният, тарих, заманча сәнгать өлкәсендәге экспертлар катнашында очрашулар оештырылачак.
31 август көнне Казан Россиянең төп электрон лейблы - «ГОСТ Звук» һәм дөньякүләм медиа-арт пионерлары - «Прометей» иҗат берләшмәсе арт-инсталляциясенең көтеп алынган тамашасы шаһиты булачак. Фестивальнең барлык чараларына да керү бушлай.
Фото: скриншот инстаграм
Следите за самым важным и интересным в Telegram-каналеТатмедиа
Нет комментариев