Теләче Информ

Теләче районы

18+
2024 - Гаилә елы
В республике

Казанда “Дубравная” метро станциясе ачылды

Мәртәбәле кунаклар Казан метрополитенының яңа станциясеннән “Җиңү проспекты” станциясенә кадәр барды.

Бүген башкалада Татарстан Республикасы һәм Казан шәһәре көне уңаеннан Казан метрополитенының сан буенча 11нче “Дубравная” станциясен ачу тантанасы булды. Тантанада Татарстан Президенты Рөстәм Миңнеханов, Татарстан Дәүләт Киңәшчесе Минтимер Шәймиев, Казан мэры Илсур Метшин, “Метроэлектротранс” АҖ генераль директоры Марат Рәхимов, “Метроэлектротранс” башлыгы Әсфән Галявов катнашты.

“Республика һәм шәһәр көнендә яңа объектлар ачу бик сөенечле. Әле генә Тукай музеенда булдык, инде яңа метро станциясендә. Билгеле, шәһәр уңайлы булырга тиеш, иҗтимагый киңлекләргә, ишегалларына, юлларга зур игътибар бирелә. Билгеле, эшлисе эшләр күп әле”, -  дип билгеләп үтте Миңнеханов үзенең тәбрикләү сүзендә.

Татарстан Президенты финанс кыенлыклары булуга карамастан, Казан метрополитенының икенче линиясе төзелеше эшләре башлануын хәбәр итте. Казан мэры Илсур Метшин, шәһәр көне белән котлап, “Дубравная” метро станциясе ачылышын тарихи вакыйга дип атады.

 

 Метро станциясе төзелеше, Татарстанның Төзелеш, архитектура һәм торак-коммуналь хуҗалыгы министры урынбасары Илшат Гыймаев сүзләренчә, 5,2 млрд сумга төшкән. 
 

Фото: Диана Авакян

https://tatar-inform.tatar

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X