Казанда ут капкан йорттан 85 яшьлек әбине һәм сабый баланы коткарганнар

автор, 3 август 2018 - 19:37

890

Казанда янгын сүндерүчеләр ут капкан йорттан бер яшьлек баланы һәм 85 яшьлек әбине коткарган. Бинадан барлыгы җиде кешене эвакуацияләгәннәр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр

Казанда ут капкан йорттан 85 яшьлек әбине һәм сабый баланы коткарганнар

Янгын кичә көндез Латыш Укчылары урамындагы 3нче йортның бер фатирында чыккан, дип яза агентлык.

Бу вакытта фатирда хуҗабикәнең апасы булган. Ул янгын сүндерүчеләргә газ колонкасы дөрләп кабынып китеп, шуның аркасында тарттырылган түшәмгә ут кабуын әйткән. Ялкын телләре тиз арада коридор һәм бүлмәне ялмап алган, фатир төтен белән тулган.