Казанда йөкле хатынын пычак белән кадап үтергән ирне хөкем итәләр

Казанда бергә яшәгән йөкле хатынын үтергән ир-атны хөкем итәчәкләр. Бу хакта Татарстан Республикасы Прокурорының өлкән ярдәмчесе Руслан Галиев хәбәр итте.

• 32 яшьлек Казан кешесе һәм аның белән бергә торган 33 яшьлек хатын арасында ызгыш 1 май көнне, Совет урамындагы 21 нче йортның бер фатирында килеп чыккан иде. Җәнҗал вакытында исерек ир-ат хатынның күкрәгенә аш-су пычагы белән кадаган. Яраланган хатын-кыз хастаханәгә барган вакытта вафат булган.

“Йөкле хатынны үтерү” маддәсе буенча ачылган җинаять эше Татарстанның Югары судына җибәрелгән.

https://tatar-inform.tatar