Теләче Информ

Онлайн-Сабан туеның баш батыры билгеле булды

Беренче урын өчен Булат Мусин һәм Булат Әхмәдиев көрәште.

Бүгенге онлайн-Сабантуйның баш батыры булып спорт остасы Булат Мусин калды.

«Исәп әлегә 3:2. Кызыл сөлгеле һәм кызыл футболкалы егет — Булат Әхмәдиев әлегә алда бара. Кайберәүләр иң оста техник алымнарын бәйләгәннән соң күрсәтә башлый. Бу бәйләү кайсысына күбрәк килешер икән хәзер шуны ачыклыйбыз», — дип комментарийлар биреп барды алып баручы Фәнил Вакказов.

Бәйләп куйганнан соң Булат Мусин ситуацияне үз кулына алып исәпне тигезләп куя. Егетләрнең икесе дә бер үк үлчәү категориясендә. Батырлар ике минут бәйләп, ике минут бәйләмичә көрәштеләр.

Реклама

архив/Михаил Захаров

«Быелгы онлайн-Сабантуйның баш батыры — Булат Мусин. Булатка дан һәм тәкә бүләк ителә», — диде җиңүчене тәбрикләде Фәнил Вакказов.

Булат Мусин көндәше Булат Әхмәдиевне 6:3 исәбе белән җиңде. «Бүгенге Сабантуй үзенчәлекле. Шулай да бәйрәм атмосферасы бар. Рәхмәт барыгызга да», — диде баш батыр Булат Мусин.

Чыганак: https://tatar-inform.tatar/news/society/04-07-2020/onlayn-saban-tueny-bash-batyry-bilgele-buldy-5754404

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: