Пенсионерлар өчен компьютер грамоталылыгы буенча түләүсез курсларга гаризалар кабул ителә

Казанда пенсионерлар өчен компьютер грамоталылыгы нигезләре буенча түләүсез курсларга гаризалар кабул ителә башлады. Кабул итү комиссиясе 25 августта эшләячәк. Бу хакта Казанның мәшгульлек үзәге матбугат хезмәте хәбәр итә.

Дәресләрне ТР буенча Пенсия фонды бүлеге, Россия пенсионерлары союзының төбәк бүлеге һәм Казан (Идел буе) федераль университеты оештыра, ә белем бирү Өлкән яшьтәгеләр университеты нигезендә алып барылачак.

Курс 36 уку сәгатеннән тора. Ул октябрьдән декабрьгә кадә дәвам итәчәк. Татарстанда яшәп, эшләмәүче пенсионерлар, ягъни 55 яшенә җиткән хатын-кызлар һәм 60 яшенә җиткән ир-атлар курсларда катнаша ала. ТР буенча РПФ бүлеге нигезендә кабул итү комиссиясе (Пушкин ур., 8, 1 кат) 25 августта 9.00-14.00 сәгатьтә эшли. Тулырак мәгълүмат белән (843) 279-25-02 һәм 279-25-99 телефоннары аша танышырга мөмкин. 

Фото: https://pixabay.com | Free-Photos

https://tatar-inform.tatar