Рөстәм Миңнеханов Ураза һәм Корбан гаетен бәйрәм итү турында указны имзалады

Татарстан Президенты Рөстәм Миңнеханов быел Ураза бәйрәме һәм Корбан бәйрәме көннәре турында указны имзалады. Бу турыда Татарстан Президентының матбугат хезмәте хәбәр итте.

Әлеге даталар «Татарстан Республикасының бәйрәм һәм истәлекле көннәр турындагы» законы нигезендә билгеләнә. Бу указ буенча, Ураза бәйрәме 24 майда, Корбан бәйрәме 31 июльдә булачак.

«Ай календаре һәм гореф-гадәтләр буенча 24 майны Ураза гаетен, 31 июльне Корбан гаетен бәйрәм итә башлый торган көн дип билгеләргә», диелә әлеге документта.

Фото: Михаил Захаров

Чыганак: tatar-inform.tatar

https://president.tatarstan.ru/file/laws/laws/laws_296661.pdf