Теләче Информ

Татарстан хаҗилары Гарәфәгә килде

Бүген 20 август – Гарәфә көне. Төнлә Татарстан хаҗиләре Гарәфәгә килделәр. Иртәнге намазны да монда укыдылар, көне буе гыйбадәттә булачаклар.

Изге гамәлләр эшләгән өчен бу көндә әҗер-савап күп тапкырларга арттырылып бирелә. Әлеге көнне файдасыз рәвештә бушка уздырудан сакланырга кирәк. Гарәфә көнендә ураза тоту, күбрәк дога кылу һәм гөнаһларның ярлыкануын сорау киңәш ителә. Пәйгамбәребез  Мөхәммәд салләллаһу галәйһи вә сәлләм болай дигән: «Гарәфә көнендә [Зөлхиҗҗә аеның тугызынчы көнендә] тотылган ураза узган һәм быелгы елларның гөнаһлары ярлыкануга сәбәп була».

Мосафирлар бер төнне Мина үзәнлегендә кунды. Анда аларны ком бураны каршы алды. Караңгы болыт килеп гарасат чыкты. Чатырларны җил селкетте. Ястү намазы вакытында Татарстанлылар давыл тынуны сорап дога кылды. Алланың рәхмәте, күп тә үтмәде күк йөзе чистарды һәм тып-тын һава торышы урнашты.

Реклама

Фото: http://dumrt.ru

http://dumrt.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: